Baldvin Þorsteinsson EA-10 á heimleið frá Lettlandi

Baldvin Þorsteinsson EA-10, fjölveiðiskip Samherja hf., lagði af stað frá Riga í Lettlandi á sunnudagskvöld og um hádegisbil í dag var hann við Noreg og búinn að setja stefnuna á Langanes á leið sinni heim. Gera má ráð fyrir að skipið verði komið til heimahafnar á Akureyri nk. laugardag.

Baldvin Þorsteinsson, sem áður hét Hannover og þar áður Guðbjörg, hefur tekið verulegum breytingum. Á síðustu mánuðum hefur skipið verið í lengingu í skipasmíðastöð í Lettlandi og ýmsar viðamiklar breytingar verið gerðar á því.

Fjórtán manns eru um borð í Baldvin Þorsteinssyni á heimstíminu. Í brúnni eru Hákon Þröstur Guðmundsson og Árni V. Þórðarson.

Kristinn V. Daníelsson, tæknifræðingur hjá Samherja á Akureyri, einn þeirra sem er um borð, sagði í gær að óhætt væri að segja að miklar breytingar hafi verið gerðar á skipinu. Lenging þess gerði það að verkum að útlit skipsins væri gjörbreytt frá því sem var og einnig hefðu umtalsverðar breytingar verið gerðar á ýmsum búnaði um borð