Björg EA 7 komin heim

Björg EA 7 nýjasta skipið í flota Samherja lagðist að bryggju á Akureyri í gær 31.október  en skipið lagði af stað frá Tyrklandi 15. október. Skipið var smíðað í Cem­re-skipa­smíðastöðinni í Tyrklandi, er 2.080 brúttó tonn að stærð, 62,49 metra langt og 13,54 metrar á breidd. Björg er þriðja skipið sem Samherji fær afhent á árinu en áður voru komin systur skipin Kaldbakur EA 1 og Björgúlfur EA 312. Skipin voru hönnuð af verk­fræðistof­unni Skipa­tækni og Bárði Haf­steins­syni í sam­vinnu við eigendur.

Myndband hér

Guðmund­ur Freyr Guðmunds­son er skip­stjóri á Björgu EA og sigldi hann skip­inu heim. Með honum voru Árni R. Jóhannesson 1. stýrimaður og  Kjart­an Vil­bergs­son yf­ir­vél­stjóri. Fyrir liggur að setja aðgerðar- og kæli­búnað um borð í skipið og reiknað er með að það fari á veiðar upp úr ára­mót­um. 

 Þorsteinn Már Baldvinsson forstjóri Samherja tekur við og tryggir landfestar

Guðmundur Freyr Guðmundsson skipstjóri Bjargar EA 7 býður Björgu Finnbogadóttur móður Þorsteins Más Baldvinssonar forstjóra Samherja að prófa skipstjórastólinn.

Hluti stjórnar Samherja við heimkomuna. Frá vinstri: Kristján Vilhelmsson útgerðarstjóri og stjórnarmaður, Eiríkur S. Jóhannsson formaður stjórnar, Sigrún Björk Jakobsdóttir stjórnarkona, Guðmundur Freyr Guðmundsson skipstjóri Bjargar EA, Þorsteinn Már Baldvinsson forstjóri Samherja og Óskar Magnússon stjórnarmaður (sem var háseti um borð á heimleiðinni). Á myndina vantar Helgu Steinunni Guðmundsdóttur stjórnarkonu.

Kjartan Vilbergsson vélstjóri, Guðmundur Freyr Guðmundsson skipstjóri og Árni R. Jóhannesson 1.stýrimaður á Björgu EA