Skipið undirbúið fyrir prufutúr

Fjöldi fólks tók á móti Baldvin Þorsteinssyni EA-10:

Fjöldi fólks tók á móti fjölveiðiskipinu Baldvin Þorsteinssyni EA-10 þegar það lagðist að Tangabryggjunni á Akureyri sl. föstudagskvöld og segir Hákon Þröstur Guðmundsson, annar tveggja skipstjóra á Baldvin, að það hafi verið sérstaklega gaman að fá slíkar móttökur. “Það var rosalega gaman að koma heim með skipið í svona fínu veðri og sjá allan þennn fólksfjölda á bryggjunni."

tr>

Fjöldi fólks tók á móti  Baldvin Þorsteinssyni EA-10 við komuna  til Akureyrar sl. föstudagskvöld.  Myndir: Rúnar Þór Björnsson

Nú er unnið að því hörðum höndum að undirbúa skipið fyrir prufutúr sem farið verður í síðar í þessari viku. “Það er verið að ljúka við ýmislegt hér um borð til þess að gera skipið klárt til veiða,” segir Hákon Þröstur. “Ég á von á því að við byrjum að hífa veiðarfærin um borð í dag. Í prufutúrnum munum við síðan gera prófanir á öllum búnaði skipsins.  Sú reynsla sem við fengum af skipinu á heimstíminu frá Lettlandi lofar mjög góðu, þetta er draumafley,” segir Hákon Þröstur.
 

Heimkomu skipsins fagnað  Frá vinstri: Árni V. Þórðarson, Björg Finnbogadóttir, Hákon Þröstur Guðmundsson, Þorsteinn Már Baldvinsson og Helga Steinunn Guðmundsdóttir.