Starfsmenn Samherja fjölmenntu í Hlíðarfjall

Skíðadagur Samherja var haldinn í annað sinn í gær. Yfir 200 manns, starfsmenn og fjölskyldur þeirra fóru saman á skíði, bretti eða sleða og skemmtu sér konunglega. Þá var grillað ofan í mannskapinn og má segja að útivistin hafi aukið matarlystina til muna því veitingarnar runnu vel niður.

Nýliðar á öllum aldri gátu fengið lánaðan búnað og leiðsögn og stóð dagskráin frá kl. 16.30 til kl. 20.00.  Grillveislan var við nýja nestishúsið á skaflinum við hótelið, þar stóðu fulltrúar Skíðafélags Akureyrar og reiddu fram kærkomna næringu fyrir útivistargarpana. Veðrið lék við okkur á þessum mjög svo ánægjulega eftirmiðdegi og gleði skein úr öllum andlitum.