Fréttir

Samherji hf. hefur ákveðið að greiða starfsmönnum í landi 260 þúsund króna launauppbót nú í desember, til viðbótar umsaminni 46 þúsund króna desemberuppbót. Þetta er í annað skiptið á árinu sem Samherji greiðir uppbót á laun. Starfsmaður í fullu starfi fær því samtals 320 þúsund króna aukagreiðslur á árinu. Þetta er jafnframt annað árið í röð sem Samherji greiðir um 300 starfsmönnum eingreiðslur umfram kjarasamninga.

Stærsta skip íslenska fiskiskipaflotans Kristina EA 410 kom til hafnar á Akureyri í morgun eftir vikulanga siglingu frá Las Palmas. Skipið mun á næstu dögum halda til síldar- og makrílveiða hér við land.

Samherji hefur ákveðið að greiða öllum starfsmönnum í landi 60 þúsund króna viðbótar orlofsuppbót. Uppbótin verður greidd með launum um næstu mánaðamót og bætist við umsamda orlofsuppbót sem greidd er á sama tíma."Þetta er í þriðja skiptið á rúmu ári sem Samherji greiðir starfsfólki sínu launauppbót umfram kjarasamninga. Við ákváðum í fyrra, þegar hækkunum kjarasamninga var frestað, að bæta okkar fólki það upp með launauppbótum í formi eingreiðslna. Við viljum þakka fólkinu okkar fyrir frábært starf á liðnum vetri og vonum að veðurguðirnir sláist í lið með okkur að gera sumarið að þeim sælutíma sem það á að vera," segir Gestur Geirsson, framkvæmdastjóri landvinnslu Samherja.

Samherji hf. og Síldarvinnslan hf. í Neskaupstað hafa nýverið gert samning um kaup Síldarvinnslunnar á uppsjávarveiðiskipinu Margréti EA 710. Skipið verður afhent nýjum eiganda seinnihluta maí mánaðar.  Samherji hf. óskar Síldarvinnslunni og nýrri áhöfn velfarnaðar í rekstri skipsins. Nánari upplýsingar eru á heimasíðu Síldarvinnslunnar www.svn.is

Atvinnumálafundur Samherja verður á Hótel KEA þriðjudaginn 11.maí kl. 8.15. Málefni Fiskeldi og  Markaðsmál.

Samherji hf. tók þátt í Sjávarútvegssýningunni í Brussel í síðustu viku á myndarlegan hátt. Standur Samherja naut mikilla vinsælda og verður þátttaka félagsins að teljast vel heppnuð. Þó að gestkvæmt hafi verið á Samherja standinum voru menn þó almennt sammála um að heildarfjöldi gesta á sýningunni hafi verið færri en undanfarin ár. Mögulegt er að þar hafi eldgosið í Eyjafjallajökli og truflun þess á flug haft einhver áhrif þó að það sé líklega ekki eina skýringin.

Samherji hf. hefur veitt 14 af starfsmönnum sínum sérstök hvatningarverðlaun fyrir framúrskarandi  mætingu til vinnu á árinu 2009. Starfsmennirnir hafa hver um sig fengið ferðaávísun að upphæð 100 þúsund krónur.

Sett hefur verið upp kynning á starfsemi Samherja í máli og myndum á Glerártorgi á Akureyri. Sýningin er áhugaverð fyrir Eyfirðinga sem og aðra gesti þar sem hún lýsir bæði starfseminni innan lands og utan og einnig áhrifum starfseminnar á samfélagið t.d. hér við Eyjafjörð. Sýningin er opin til 19.apríl. 

Á næstunni mun Samherji hf. boða til nokkurra funda í Eyjafirði, þar sem farið verður yfir atvinnumál og starfssemi Samherja kynnt.

Onward Fishing Company  hefur fest kaup á rækjutogaranum Fríðborg frá Færeyjum. Skipið er ísstyrkt og sérútbúið til rækjuveiða.