Fréttir

Samið hefur verið um kaup Samherja hf. á eignarhlut í norska sjávarútvegs- og fiskeldisfyrirtækinu Fjord Seafood ASA, sem er eitt af stærstu fyrirtækjum á sínu sviði í heiminum. Samherji hf. kaupir um 2,6% hlut í Fjord Seafood í lokuðu hlutafjárútboði. Nafnverð hlutabréfanna er 11,2 milljónir norskra króna og kaupir Samherji hf. þau á genginu 2,5. Heildarfjárfesting Samherja í þessum viðskiptum er því 28 milljónir norskra króna eða um 320 milljónir íslenskra króna. Jafnframt hefur Samherji gert víðtækan samstarfssamning við Fjord Seafood, sem m.a. tekur til samstarfs félaganna í fiskeldi og sölu sjávarafurða. 

Baldvin Þorsteinsson EA 10:Baldvin Þorsteinsson EA 10 sigldi inn í Grindavíkurhöfn í dag með um 2.200 tonn af loðnu.  Þetta er í fyrsta sinn sem skipið siglir inn í Grindavíkurhöfn eftir lenginguna og fylgdist fjöldi Grindvíkinga með, enda tilkomumikil sjón er svo stór skip sigla inn í höfnina.  Skipið sætti færis að sigla inn eftir að hafa beðið eftir flóði og séð frá landi virtist talsvert brim.  Að sögn Óskars Ævarssonar verksmiðjustjóra Samherja F & L, sem tók eftirfarandi myndir, gekk siglingin inn vel enda frekar lyngt að mati skipverjanna   

Loðnuvertíðin:

Samherji hf.-F&L í Grindavík:Samherji hf.-F&L í Grindavík efndi til kynningar og móttöku fyrir Grindvíkinga sl. mánudag. Dreifibréf var borið í hús í Grindavík sl. sunnudag þar sem fólki var boðið að koma og kynna sér starfsemi fyrirtækisins og þiggja um leið veitingar.

Fiskimjölsverksmiðja Samherja í Grindavík:

Fjöldi fólks tók á móti Baldvin Þorsteinssyni EA-10:Fjöldi fólks tók á móti fjölveiðiskipinu Baldvin Þorsteinssyni EA-10 þegar það lagðist að Tangabryggjunni á Akureyri sl. föstudagskvöld og segir Hákon Þröstur Guðmundsson, annar tveggja skipstjóra á Baldvin, að það hafi verið sérstaklega gaman að fá slíkar móttökur. “Það var rosalega gaman að koma heim með skipið í svona fínu veðri og sjá allan þennn fólksfjölda á bryggjunni."

Þriðja fjölveiðiskipið í flota Samherja hf:Baldvin Þorsteinsson EA 10, fjölveiðiskip Samherja hf., leggst kl. 21 í kvöld að Tangabryggjunni á Akureyri eftir fimm sólarhringa siglingu frá Riga í Lettlandi þar sem skipið var lengt og gerðar á því ýmsar aðrar breytingar í skipasmíðastöðinni Riga Shipyard.  Eftir þessar breytingar er Baldvin Þorsteinsson öflugt fjölveiðiskip fyrir veiðar og vinnslu á uppsjávarfiski og rækju.  Skipið hefur m.a. verið lengt um 17,6 metra og er mesta lengd þess nú  85,85 metrar. Mesta breidd skipsins er 14 metrar og brúttótonnin eru 2968.