Fréttir

Ræða flutt á aðalfundi Samherja fimmtudaginn 11. apríl 2002 

Aðalfundur Samherja hf 11. apríl 2002

Aðalfundur Samherja hf.:Frá aðalfundi Samherja í dag Á aðalfundi Samherja hf., sem haldinn var fyrr í dag, var tillaga stjórnar félagsins um að greiða 30% arð til hluthafa vegna rekstrarársins 2001 samþykkt samhljóða. Hér er um að ræða hæsta hlutfall sem félag á Verðbréfaþingi Íslands greiðir vegna ársins 2001.

Loðnuvertíðin gekk að öllu leyti vel í vinnslustöð Samherja í Grindavík og var tekið á móti meira af loðnu á vetrarvertíð nú en nokkru sinni áður. Alls var landað 63.400 tonnum af loðnu hjá fyrirtækinu á nýliðinni vetrarvertíð. Allt árið í fyrra var landað þar 93 þúsund tonnum en þá fór meira í bræðslu en nú.

Aðalfundur Samherja hf. verður haldinn fimmtudaginn 11. apríl 2002 í Nýja Bíói á Akureyri og hefst kl. 15:00

Samherji hf. hefur gert samkomulag sem stjórn félagsins hefur staðfest um að kaupa hlutafé að nafnverði 227.000.000.- á genginu 3,5 í Kaldbaki fjárfestingarfélagi hf. Eftir kaupin verður eignarhlutur Samherja í Kaldbaki fjárfestingarfélgi hf. 16,6%. Kaldbakur fjárfestingarfélag hf. mun í framhaldinu kaupa eigin hlutabréf og eftir þau kaup verður eignarhlutur Samherja hf. 18,4% af virku hlutafé.

-Veltufé frá rekstri var rúmir 3 milljarðar króna og jókst um 2.031 milljón á milli ára Samherji hf. var rekinn með tæplega 1.108 milljóna króna hagnaði á nýliðnu ári, samanborið við 726 milljóna króna hagnað árið 2000. Veltufé frá rekstri félagsins nær þrefaldaðist frá árinu áður og nam 3.092 milljónum króna.Rekstrartekjur samstæðu námu rúmum 13 milljörðum króna en rekstrargjöld 9,4 milljörðum. Hagnaður fyrir afskriftir og fjármagnsliði (EBITDA) var rúmir 3,6 milljarðar króna. Afskriftir námu rúmum milljarði króna og fjármagnsliðir voru neikvæðir um 1,3 milljarða. Inni í þeirri tölu eru áhrif hlutdeildarfélaga sem voru neikvæð um 74 milljónir króna. Að teknu tilliti til skatta sem og annarra tekna og gjalda var hagnaður ársins um 1.108 milljónir króna, sem fyrr segir. Eigið fé jókst um 814 milljónir króna Heildareignir samstæðunnar í árslok námu 18.113 milljónum króna en skuldir og skuldbindingar 11.893 milljónum króna. Bókfært eigið fé var því 6.219 milljónir króna og jókst um 814 milljónir á milli ára. Nettóskuldir samstæðunnar námu í árslok 5.254 milljónum króna og þar af nam skattskuldbinding 637 milljónum króna. Veltufé frá rekstri nam sem fyrr segir um 3.092 milljónum króna, samanborið við 1.060 milljónir árið áður. Eiginfjárhlutfall var 34,3% og veltufjárhlutfallið 1,50.Besta rekstrarárið til þessa Þorsteinn Már Baldvinsson, forstjóri Samherja, segir að árið hafi verið afar gott ár í rekstri Samherja og án efa besta rekstrarár félagsins frá upphafi. „Þriggja milljarða króna fjármunamyndun í rekstri félagsins segir sína sögu. Ytri aðstæður, þ.e. gengi gjaldmiðla og markaðir, voru félaginu óvenju hagstæðar og almennt séð gekk rekstur allra þátta í starfseminni vel á árinu." Hann segir horfur fyrir árið 2002 góðar. „Við höfum verið að laga skipastól okkar að aflaheimildum með það að markmiði að hámarka nýtingu fastafjármuna félagsins. Kaup á Hannover í stað Baldvins Þorsteinssonar er liður í því en skipið er nú í lengingu í Lettlandi og er væntanlegt inn í rekstur félagsins um mitt ár. Við getum því ekki annað en horft björtum augum til framtíðar og munum eins og síðastliðið ár birta áætlanir okkar á aðalfundi félagsins," segir Þorsteinn Már.Aðalfundur 11. apríl nk. Aðalfundur Samherja hf. verður haldinn í Nýja bíói á Akureyri fimmtudaginn 11. apríl nk. og hefst hann kl. 15:00. Stjórn félagsins gerir tillögu um að greiddur verði 30% arður til hluthafa vegna nýliðins árs. Meðfylgjandi eru lykiltölur úr rekstri Samherja hf. á árinu 2001 og samanburður við fyrri ár:(ársreikning og lykiltölur er hægt að nálgast á Acrobat Reader formi hér)  

„Nú er þetta komið í fullan gang og bjart framundan," sagði Óskar Ævarsson, rekstrarstjóri Samherja í Grindavík, þegar haft var samband við hann seinnipartinn í gær. Þá var verið að landa 2.050 tonnum af ágætis loðnu úr Þorsteini EA og Ammasat og Oddeyrin EA á leið til hafnar. Að lokinni löndun úr þeim verður búið að taka á móti 27.000 tonnum af loðnu í Grindavík á vertíðinni.

Á öskudaginn var líflegt að venju hjá Samherja sem og öðrum fyrirtækjum í bænum. Ungir Akureyringar létu veðrið ekki aftra sér og fóru á milli fyrirtækja sungu og þáðu góðgæti í staðinn. Þessar litlu blómarósir voru meðal fjölmargra krakka sem heimsóttu skrifstofu Samherja í tilefni dagsins.   

Yfirlýsing frá Samherja hf.: